اسلام آباد 09 ستمبر (اے پي پي)د ملګرو ملتونو سېكرټري جنرل انتونيو ګوتيرس وئېلي دي نړيوالې ورورولۍ له د سېلاب ځپليو مرستې لپاره د پاكستان سره بشپړه مرسته پكار ده ۔هغه د جمعې په ورځ د نېشنل فلډ رسپانس كوآرډينېشن سنټر دوې په موقع د خيالاتو څرګندونه كوله۔په دې موقع وزيراعظم محمد شهباز شريف٬د منصوبه بندۍ او پرمختګ وفاقي وزير احسن اقبال٬د خزانې وفاقي وزير مفتاح اسماعيل او نور هم موجود وو۔سېكرټري جنرل ووئيل پاكستان په هغه هېوادونو كښې شامل دے كوم چې ماحولياتي بدلون سره مخ دي ۔د اوسني سېلاب او قدرتي آفت نه پس اېن اېف آر سي سي٬حكومتي ادارو او اېن جي اوز په ښه ډول د ځپليو مرستې لپاره كار كړے۔ده ووئيل په دې سخت صورتحال كښې نړيوالې ورورولۍ له پاكستان سره مرسته پكار ده او د سېلاب ځپليو لپاره خپل كردار ادا كول پكار دي۔ده ووئيل پاكستان سره زما ژوره رشته ده٬دا زما زړه ته نزدې دے۔پاكستان د افغان كډوالو كوربتوب كړے٬د ترهه ګرۍ له امله پاكستان ډېر زيان پورته كړے او د پاكستان اولس ډېر سخت وخت تېر كړے دے۔ده ووئيل نړيواله ورورولي به په دې سخت صورتحال كښې د پاكستان مرستې لپاره متحرك كوو۔وزيراعظم شهباز شريف سېكرټري جنرل ته ووئيل د اوسني سېلاب نه پس د وفاقي او صوبائي حكومتونو پشمول پاك پوځ ځپليو ته هر ممكنه مرسته وركړی٬هغوي يې محفوظو ځايونو ته منتقل كړي او د خوراك څيزونه هم وركوي۔د سېلاب له امله په پاكستان ګښې په لويه پیمانه تباهي شوې٬زمونږ په وړاندې ډېر لوي چېلنج ولاړ دے٬په دې سخت صورتحال كښې د مرسته كوونكو بېلو هېوادونو او ادارو مننه كوو۔ده د ملګرو ملتونو سېكرټري جنرل د پاكستان په دوره هم مننه وكړه۔سېكرټري جنرل ته په دې موقع په پاكستان كښې د سېلاب له امله د راغلې تباهۍ او د حكومت لخوا د ځپليو مرستې لپاره په شوي اقدامات بريفنګ هم وركړے شو۔
نړيوالې ورورولۍ له د سېلاب ځپليو مرستې لپاره د پاكستان بشپړه مرسته پكار ده ۔انتونيو ګوتيرس
مضمون کا ماخذ : لاٹری کی موبائل ایپ
متعلقہ مضامین
